us ko sochun to dhyaan mein mere — Vibha Jain 'Khwaab'

yaa to khud ko sipurd-e-'ishq na kar
yaa jo hotaa hai phir malaal na puchh

phir vahi raat vahi chaand vahi tum vahi main
kyaa kisi chhat ke muqaddar mein likhe jaaeinge

kyon koi kokh jo suuni ho vo sharminda ho
kyaa zaruri hai ki har siip se moti nikle

zindagi yuun to nayaa lafz nahin hai lekin
vaqt ke saath nae is ke ma'aani nikle

makaan-e-dil se rukhsat ho gayaa 'ishq
udaasi lauT kar tu ghar chali aa

phir chhu gayaa hai pyaar se koi zamin-e-dil
khilne lage hain dasht mein phir mogre ke phuul

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ujlat ke alaav mein kiye faisle 'aabid'
ab soch ki barfaani khaDaaun pe khaDe hain

unhein ye fikr ki dil ko kahaan chhupaa rakkhein
hamein ye shauq ki dil kaa khasaara kyunkar ho

apni sochein safar mein rahti hain
us ko paane ki justuju dekho

jis ko milnaa nahin phir us se mohabbat kaisi
sochtaa jaaun magar dil mein basaae jaaun