jo safāyā qaum kā kar de vahī leader hai aaj — Shayari Of Ismatullah Ismat Beg

ba.az aise haiñ churā lete haiñ mazmūñ sher ke
aur kah lete haiñ apnā sher Daakā Daal kar

europī rang is qadar chhāyā tabī.at par mirī
pahle to 'ismat' thā maiñ ab goldsmith ho gayā

har jagah chorī kā charchā har jagah hai lūT-mār
din-dahāḌe luT rahā hai har taraf fard-e-bashar

vatan kī fikr kar nādāñ musībat aane vaalī hai
tirī barbādiyoñ ke mashvare haiñ āsmānoñ meñ

mīr-e-arab ko aa.ī ThanDī havā jahāñ se
merā vatan vahī hai merā vatan vahī hai

turkoñ kā jis ne dāman hīroñ se bhar diyā thā
merā vatan vahī hai merā vatan vahī hai

maz.hab nahīñ sikhātā aapas meñ bair rakhnā
hindī haiñ ham vatan hai hindostāñ hamārā

ham ahl-e-qafas tanhā bhī nahīñ har roz nasīm-e-sub.h-e-vatan
yādoñ se mo.attar aatī hai ashkoñ se munavvar jaatī hai

ik ḳhūñ-chakāñ kafan meñ karoḌoñ banāo haiñ
paḌtī hai aañkh tere shahīdoñ pe huur kī