mere hone se na honaa hai miraa — Jamal Ehsani

vo bhi milne nai poshaak badal kar aayaa
main jo kal pairahan-e-khaak badal kar aayaa

isi ik baat par hai ittifaaq-o-ikhtilaaf us se
use aaina aur mujh ko piyaala achchhaa lagtaa hai

maaein darvaazon par hain
baarish hone vaali hai

bojh se jhukne lagi shaakh to jaa kar ham ne
aashiyaane ko kisi aur shajar par rakkhaa

na ajnabi hai koi aur na aashnaa koi
akele-pan ki bhi hoti hai intihaa koi

kuchh aur vus'atein darkaar hain mohabbat ko
visaal-o-hijr pe daar-o-madaar mushkil hai