jism meñ aag lagā duuñ us ke — Jaun Elia

us kī chashm-e-nīm-vā se pūchhiyo
vo tire mizhgāñ-shumārāñ kyā hue

mere tevar bujh ga.e merī nigāheñ jal ga.ī
ab koī ā.īna-rū ā.īna-dār aayā to kyā

ilaaj ye hai ki majbūr kar diyā jā.ūñ
vagarna yuuñ to kisī kī nahīñ sunī maiñ ne

sochā hai ki ab kār-e-masīhā na kareñge
vo ḳhuun bhī thūkegā to parvā na kareñge

us ke hoñThoñ pe rakh ke hoñTh apne
baat hī ham tamām kar rahe haiñ

ham ajab haiñ ki us kī bāhoñ meñ
shikva-e-nārasā.ī karte haiñ