us kī chashm-e-nīm-vā se pūchhiyo — Jaun Elia

jism meñ aag lagā duuñ us ke
aur phir ḳhud hī bujhā duuñ us ko

mere tevar bujh ga.e merī nigāheñ jal ga.ī
ab koī ā.īna-rū ā.īna-dār aayā to kyā

ilaaj ye hai ki majbūr kar diyā jā.ūñ
vagarna yuuñ to kisī kī nahīñ sunī maiñ ne

sochā hai ki ab kār-e-masīhā na kareñge
vo ḳhuun bhī thūkegā to parvā na kareñge

jurm meñ ham kamī kareñ bhī to kyuuñ
tum sazā bhī to kam nahīñ karte

us ke hoñThoñ pe rakh ke hoñTh apne
baat hī ham tamām kar rahe haiñ