mere tevar bujh ga.e merī nigāheñ jal ga.ī — Jaun Elia

jurm meñ ham kamī kareñ bhī to kyuuñ
tum sazā bhī to kam nahīñ karte

jism meñ aag lagā duuñ us ke
aur phir ḳhud hī bujhā duuñ us ko

us kī chashm-e-nīm-vā se pūchhiyo
vo tire mizhgāñ-shumārāñ kyā hue

ilaaj ye hai ki majbūr kar diyā jā.ūñ
vagarna yuuñ to kisī kī nahīñ sunī maiñ ne

sochā hai ki ab kār-e-masīhā na kareñge
vo ḳhuun bhī thūkegā to parvā na kareñge

ham ajab haiñ ki us kī bāhoñ meñ
shikva-e-nārasā.ī karte haiñ