mire lahu se jis ke barg-o-baar mein bahaar hai — Khawar Ahmad

tu chalaa gayaa hai to shahr phir vahi dasht-e-gham hai mire liye
vahi main huun aur miri zindagi mire aansuon mein bhari hui

— Khawar Ahmad

hujum-e-sang mein kyaa ho sukhan-taraaz koi
vo ham-sukhan thaa to kyaa kyaa na khush-kalaam the ham

— Khawar Ahmad

us ke baa'd to jo karnaa thaa aap janaab ne karnaa thaa
us ki to mearaaj yahi thi aap janaab tak aayaa vo

— Khawar Ahmad

aise khilaa vo phuul saa chehra phaili saare ghar khushbu
khat ko chhupaa kar paDhne vaali raaz chhupaanaa bhuul gai

— Khawar Ahmad

us ke andaaz se jhalaktaa thaa koi kirdaar daastaanon kaa
us ki aavaaz se bikharti thi koi khushbu kisi kahaani ki

— Khawar Ahmad

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

khizaan kaa bhes banaa kar bahaar ne maaraa
mujhe do-rangi-e-lail-o-nahaar ne maaraa

— Arzoo Lakhnavi