un ki tahzib ho gai rukhsat — Minhaj Khan

dil taDap jaataa hai jis dam yaad aa jaate hain aap
aap se bichhDe hamein kitne zamaane ho gae

bevaquf apne ko kahte hue baahar nikle
jab vahaan sab the samajh-daar to ham kyaa karte

pahle to khud ko dafn kiyaa apni qabr mein
phir apnaa marsiya bhi sunaanaa paDaa mujhe

meri ummidon ke jitne the shajar suukh gae
jab kisi aur se jaa kar vo milaa shaam ke baa'd