dil taDap jaataa hai jis dam yaad aa jaate hain aap — Minhaj Khan

bevaquf apne ko kahte hue baahar nikle
jab vahaan sab the samajh-daar to ham kyaa karte

pahle to khud ko dafn kiyaa apni qabr mein
phir apnaa marsiya bhi sunaanaa paDaa mujhe

meri ummidon ke jitne the shajar suukh gae
jab kisi aur se jaa kar vo milaa shaam ke baa'd

un ki tahzib ho gai rukhsat
tujh se pherein hain jo nazar urdu

mere khvaabon ke jharokon ko sajaate rahiye
na sahi vasl magar yaad to aate rahiye

yaadon ki rut ke aate hi sab ho gae hare
ham to samajh rahe the sabhi zakhm bhar gae

goyaa tumhaari yaad hi meraa ilaaj hai
hotaa hai pahron zikr tumhaaraa tabib se

tum aur fareb khaao bayaan-e-raqib se
tum se to kam gila hai ziyaada nasib se

yaktaai pe hai naaz to itnaa bhi rahe yaad
tum saa mujhe to tum ko bhi mujh saa na milegaa

yahi hain yaadgaar-e-ghuncha-o-gul is zamaane mein
inhin sukhe hue kaanTon se zikr-e-gulsitaan likhiye