raushnī aadhī idhar aadhī udhar — Muneer Niyazi

agar hoñ kachche gharoñdoñ meñ aadmī ābād
to ek abr bhī sailāb ke barābar hai

palaT sakūñ hī na aage hī baḌh sakūñ jis par
mujhe ye kaun se raste lagā gayā ik shaḳhs

havā ke dosh pe rakkhe hue charāġh haiñ ham
jo bujh ga.e to havā se shikāyateñ kaisī

mujhe kamāl-e-suḳhan se navāzne vaale
samā'atoñ ko bhī ab zauq-e-āshnā.ī de

koī aur to nahīñ hai pas-e-ḳhanjar-āzmā.ī
hamīñ qatl ho rahe haiñ hamīñ qatl kar rahe haiñ

javānī kyā huī ik raat kī kahānī huī
badan purānā huā ruuh bhī purānī huī