agar hoñ kachche gharoñdoñ meñ aadmī ābād — Muneer Niyazi

javānī kyā huī ik raat kī kahānī huī
badan purānā huā ruuh bhī purānī huī

palaT sakūñ hī na aage hī baḌh sakūñ jis par
mujhe ye kaun se raste lagā gayā ik shaḳhs

havā ke dosh pe rakkhe hue charāġh haiñ ham
jo bujh ga.e to havā se shikāyateñ kaisī

mujhe kamāl-e-suḳhan se navāzne vaale
samā'atoñ ko bhī ab zauq-e-āshnā.ī de

koī aur to nahīñ hai pas-e-ḳhanjar-āzmā.ī
hamīñ qatl ho rahe haiñ hamīñ qatl kar rahe haiñ

shāyad is raah pe kuchh aur bhī raahī aa.eñ
dhuup meñ chaltā rahūñ saa.e bichhā.e jā.ūñ

tirī abrū hai mehrāb-e-mohabbat
namāz-e-ishq mere par huī farz

mar ga.e pyaas ke maare to uThā abr-e-karam
bujh ga.ī bazm to ab sham.a jalātā kyā hai

duur tak chhā.e the bādal aur kahīñ saaya na thā
is tarah barsāt kā mausam kabhī aayā na thā

'ġhālib' chhuTī sharāb par ab bhī kabhī kabhī
piitā huuñ roz-e-abr o shab-e-māhtāb meñ

havā shāḳhoñ meñ rukne aur ulajhne ko hai is lamhe
guzarte bādaloñ meñ chāñd haa.il hone vaalā hai

chāñd ne taan lī hai chādar-e-abr
ab vo kapḌe badal rahī hogī