kisi harf mein kisi baab mein nahin aaegaa — Noshi Gilani

zo'm kitnaa karte ho ik charaagh par apne
aur havaa ke chalne mein der kitni lagti hai

use laakh dil se pukaar lo use dekh lo
koi ek harf javaab mein nahin aaegaa

ye aarzu thi ki ham us ke saath saath chalein
magar vo shakhs to rasta badaltaa jaataa hai

main tanhaa laDki dayaar-e-shab mein jalaaun sach ke diye kahaan tak
siyaahkaaron ki saltanat mein main kis tarah aaftaab likkhun

titliyaan jugnu sabhi honge magar dekhegaa kaun
ham sajaa bhi lein agar divaar-o-dar dekhegaa kaun

band hoti kitaabon mein uDti hui titliyaan Daal diin
kis ki rasmon ki jalti hui aag mein laDkiyaan Daal diin