Hasrat

Hazaaron khwahishein aisi ke har khwahish pe dam nikle
Bahut nikle mere armaan, lekin phir bhi kam nikle

ab to ye aarzū hai ki vo zaḳhm khā.iye
tā-zindagī ye dil na koī aarzū kare

rahī na tāqat-e-guftār aur agar ho bhī
to kis umiid pe kahiye ki aarzū kyā hai

dil ko niyāz-e-hasrat-e-dīdār kar chuke
dekhā to ham meñ tāqat-e-dīdār bhī nahīñ

ye kam-baḳht ik jahān-e-ārzū hai
na ho koī hamārā dil ho ham huuñ

tamannā dard-e-dil kī ho to kar ḳhidmat faqīroñ kī
nahīñ miltā ye gauhar bādshāhoñ ke ḳhazīnoñ meñ

nazar-e-taġhāful-e-yār kā gila kis zabāñ siiñ karūñ bayāñ
ki sharāb-e-sad-qadah aarzū ḳhum-e-dil meñ thī so bharī rahī

nahīñ nigāh meñ manzil to justujū hī sahī
nahīñ visāl mayassar to aarzū hī sahī

aarzū ḳhuub hai mauqa.a se agar ho varna
apne maqsūd ko kam pahuñche haiñ bisyār-talab

aañkh kī tasvīr sar-nāme pe khīñchī hai ki tā
tujh pe khul jaave ki is ko hasrat-e-dīdār hai

garmī-e-hasrat-e-nākām se jal jaate haiñ
ham charāġhoñ kī tarah shaam se jal jaate haiñ

phir dekhiye andāz-e-gul-afshānī-e-guftār
rakh de koī paimāna-e-sahbā mere aage

ab dil kī tamannā hai to ai kaash yahī ho
aañsū kī jagah aañkh se hasrat nikal aa.e

maiñ ghar se terī tamannā pahan ke jab niklūñ
barahna shahr meñ koī nazar na aa.e mujhe

hai kahāñ tamannā kā dūsrā qadam yā-rab
ham ne dasht-e-imkāñ ko ek naqsh-e-pā paayā

ātish-e-dozaḳh meñ ye garmī kahāñ
soz-e-ġham-hā-e-nihānī aur hai

na satā.ish kī tamannā na sile kī parvā
gar nahīñ haiñ mire ash.ār meñ ma.anī na sahī

hazāroñ ḳhvāhisheñ aisī ki har ḳhvāhish pe dam nikle
bahut nikle mire armān lekin phir bhī kam nikle

phūñkā hai kis ne gosh-e-mohabbat meñ ai ḳhudā
afsūn-e-intizār tamannā kaheñ jise

ab us kī diid mohabbat nahīñ zarūrat hai
ki us se mil ke bichhaḌne kī aarzū hai bahut