main ek Thahraa huaa pul tu bahtaa dariyaa hai — Subhan Asad

main jaantaa huun tiri ruuh ki talab jaanaan
tujhe badan ki taraf se nahin chuungaa main

— Subhan Asad

hamaari miTTi se kyaa banegaa
bahut banaa to khudaa banegaa

— Subhan Asad

ye ham jo but ho ke dekhte hain
yahi tumhaari adaa banegaa

— Subhan Asad

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

— Farhat Ehsas

dil ki lahron kaa tul-o-arz na puchh
kabhu dariyaa kabhu safinaa hai

— Shaikh Zahuruddin Hatim

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

— Nazeer Akbar Abadi

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

— Agha Hajju Sharaf

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

— Kausar Mazhari