nigaah o dil mein vahi karbalaa kaa manzar thaa — Syeda Nafis Bano Shama

bahut ghurur thaa biphre hue samundar ko
magar jo dekhaa mire aansuon se kam-tar thaa

— Syeda Nafis Bano Shama

khvaab aur nindon kaa khatm ho gayaa rishta
muddaton se aankhon mein rat-jagon kaa mausam hai

— Syeda Nafis Bano Shama

mehr-o-vafaa khulus-e-tamannaa milan ki aas
kuchh kam nahin ki ham ne ye moti bachaa liye

— Syeda Nafis Bano Shama

khiDkiyaan khol luun har shaam yunhi sochon ki
phir usi raah se yaadon ko guzartaa dekhun

— Syeda Nafis Bano Shama

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal