main baDaa ho gayaa huun magar bachpanaa — Divyansh Rawat

kyon tasavvur mein ji rahaa huun main
jab haqiqat mein mar hi jaanaa hai

apne hain sab paraayaa koi nahin
par mire dukh mein aayaa koi nahin

us ke munh pe mukar gayaa thaa dil
aaj had se guzar gayaa thaa dil

'saif' andaaz-e-bayaan rang badal detaa hai
varna duniyaa mein koi baat nai baat nahin

mashhur ho chuki hai kisi ke labon ki baat
akhbaar-e-dil-baraan ki sabhi surkhiyaan paDho

vaqt guzar jaataa hai lekin dil ki ranjish
dil mein baiThi ki baiThi hi rah jaati hai

zamaana laakh sitaaron ko chhu ke aa jaae
abhi dilon ko magar haajat-e-rafu hai vahi

hudud-e-dil se jo guzraa vo jaan-levaa thaa
yuun zalzale to kai is jahaan mein aae

aise mar jaaein koi naqsh na chhoDein apnaa
yaad dil mein na ho akhbaar mein tasvir na ho