rang aa jaate muTThi men jugnu ban kar — Afzaal Firdaus

mushkil tha bahut mere liye tark-e-ta.alluq
ye kaam bhi tum ne mira asan kiya hai

— Afzaal Firdaus

divaron men dar hota to achchha tha
apna koi ghar hota to achchha tha

— Afzaal Firdaus

ai mere musavvir nahin ye main to nahin huun
ye tu ne bana Daali hai tasvir koi aur

— Afzaal Firdaus

is tarah sataya hai pareshan kiya hai
goya ki mohabbat nahin ehsan kiya hai

— Afzaal Firdaus

jis ko meri halat ka ehsas nahin
us ko dil ka haal suna kar rona kya

— Afzaal Firdaus

kisi ne mujh se kah diya tha zindagi pe ghaur kar
main shakh par khila hua gulab dekhta raha

— Afzaal Firdaus