kaun sa dard utar aaya hai tahriron men — Ahtamam Sadiq

"qasr-e-dil kuchh is qadar TuuTa hua hai ahtamam un ke bas ik lams bhar se khaak men mil jaa.e ga"

"sar-e-mahfil vo phir se aa ga.e hain aaj be-parda na jaane kaun si shai phir miri taqsim honi hai"

"ai ashk na kar zulm zara der Thahar ja ik shakhs abhi meri nigahon men basa hai"

"mujh ko thi mahfilon ki bahut aarzu magar tanha.iyon ke khauf se tanha raha huun main"

"tez barish men kahin duur saDak par baiThe ham tire chhoD ke jaane ka sabab sochte hain"

"ab apna intizar rahega tamam-umr ik shakhs tha jo mujh se juda kar gaya mujhe"