Ahtamam Sadiq

"qasr-e-dil kuchh is qadar TuuTa hua hai ahtamam un ke bas ik lams bhar se khaak men mil jaa.e ga"

"sar-e-mahfil vo phir se aa ga.e hain aaj be-parda na jaane kaun si shai phir miri taqsim honi hai"

"ai ashk na kar zulm zara der Thahar ja ik shakhs abhi meri nigahon men basa hai"

"kaun sa dard utar aaya hai tahriron men saare alfaz janaze ki tarah lagte hain"

"mujh ko thi mahfilon ki bahut aarzu magar tanha.iyon ke khauf se tanha raha huun main"

"ab apna intizar rahega tamam-umr ik shakhs tha jo mujh se juda kar gaya mujhe"

vo shakhs yaadon kaa mujh ko ghulaam karte hue
gayaa bhi to miri nindein haraam karte hue

hadd-e-nazar tak ek dariche se aaj phir
main jaa rahaa thaa aur koi dekhtaa rahaa

ab apnaa intizaar rahegaa tamaam-umr
ik shakhs thaa jo mujh se judaa kar gayaa mujhe

musalsal sochte rahte hain tum ko
tumhein jiine ki aadat ho gai hai

so apne shahr ke raunaq ki khair maangnaa tum
main apne gaanv se ik shaam le ke aa rahaa huun

ab ibaadat mein bhi aa jaate ho lab par mere
itnaa paDhtaa huun tumhein hijr ke lamhon mein ki bas