zakhm siine pe hue itne ki siine se rahe — Asad Awan

"qafile valon ko kha ja.egi ye sust-ravi sarbanon ko subuk-khez karen chalte chalen"

"guzar na jaa.e ye mausam basant ka mausam banafsha phuul khile har taraf zamin ke liye"

"sirf ik teri nigahon ka chunida to na tha main sabhi ka tha mujhe tu ne kharida to na tha"

"subut aaj bhi meri kitab men hai 'asad' vo ek ruq.a tira tere dastakhat ke saath"

"rasta saaf nazar aata hai raahi to nahin kuchh kaho rah-e-mohabbat men tabahi to nahin"

"zulm to ye hai ki azbar na rahe ghurbat men ek hafiz se javani ki hifazat na hui"