Asad Awan

"qafile valon ko kha ja.egi ye sust-ravi sarbanon ko subuk-khez karen chalte chalen"

"guzar na jaa.e ye mausam basant ka mausam banafsha phuul khile har taraf zamin ke liye"

"sirf ik teri nigahon ka chunida to na tha main sabhi ka tha mujhe tu ne kharida to na tha"

"zakhm siine pe hue itne ki siine se rahe ham tire hijr men jiite hain to jiine se rahe"

"subut aaj bhi meri kitab men hai 'asad' vo ek ruq.a tira tere dastakhat ke saath"

"zulm to ye hai ki azbar na rahe ghurbat men ek hafiz se javani ki hifazat na hui"

khud-bakhud chhoD gae hain to chalo Thiik huaa
itne ahbaab kahaan ham se sanbhaale jaate

nit-nayaa tu ne zamaane mein kharidaa badlaa
tere kahne pe kahaan ham ne aqida badlaa

umr-bhar maan ki nasihat pe zamaane mein 'asad'
faatima-zehraa ke bachchon se vafaadaari ki

is mohabbat ne hamein joD diyaa aapas mein
varna ham donon kaa ik jaisaa aqida to na thaa

koi to dekhe miri bebasi mohabbat mein
main aap apni jahaan mein hansi uDaataa phirun

guzar na jaae ye mausam basant kaa mausam
banafsha phuul khile har taraf zamin ke liye