yadon ki mahfil men kho kar — Azad Gulati

"ek vo hain ki jinhen apni khushi le Duubi ek ham hain ki jinhen gham ne ubharne na diya"

"raushni phaili to sab ka rang kaala ho gaya kuchh diye aise jale har-su andhera ho gaya"

"sal-e-nau aata hai to mahfuz kar leta huun main kuchh purane se calender zehn ki divar par"

"aap jis rah-guzar-e-dil se kabhi guzre the us pe ta-umr kisi ko bhi guzarne na diya"

"aaj a.ine men khud ko dekh kar yaad aa gaya ek muddat ho ga.i jis shakhs ko dekhe hue"

"kise milti najat 'azad' hasti ke masa.il se ki har koi muqayyad aab o gil ke silsilon ka tha"