abhi to aa.e ho jaldi kahan hai jaane ki — Bhartendu Harishchandra

"gulabi gaal par kuchh rang mujh ko bhi jamane do manane do mujhe bhi jan-e-man tyauhar holi men"

"na bosa lene dete hain na lagte hain gale mere abhi kam-umr hain har baat par mujh se jhijakte hain"

"jahan dekho vahan maujud mera kirshn pyara hai usi ka sab hai jalva jo jahan men ashkara hai"

"rukh-e-raushan pe us ki gesu-e-shab-gun laTakte hain qayamat hai musafir rasta din ko bhaTakte hain"

"kisi pahlu nahin chain aata hai ushshaq ko tere taDapte hain fughan karte hain aur karvaT badalte hain"

"aa jaa.e na dil aap ka bhi aur kisi par dekho miri jaan aankh laDana nahin achchha"