kaise rishte kaise naate jhuTe saare bandhan hain — Gulnar Aafreen

"baghair samt ke chalna bhi kaam aa hi gaya fasil-e-shahr ke bahar bhi ek duniya thi"

"safar ka rang hasin qurbaton ka hamil ho bahar ban ke koi ab to ham-safar aa.e"

"kin shahidon ke lahu ke ye farozan hain charagh raushni si jo hai zindan ke har ik rauzan men"

"ek parchha.in tasavvur ki mire saath rahe main tujhe bhulun magar yaad mujhe tu aa.e"

"kya baat hai kyuun shahr men ab ji nahin lagta halanki yahan apne para.e bhi vahi hain"

"'gulnar' maslahat ki zaban men na baat kar vo zahr pi ke dekh jo sachcha.iyon men hai"