jaane kis kis ka gala kaTta pas-e-parda-e-ishq — Hosh Jaunpuri

"bachche khuli faza men kahan tak nikal ga.e ham log ab bhi qaid isi bam-o-dar men hain"

"khuda badal na saka aadmi ko aaj bhi 'hosh' aur ab tak aadmi ne saikDon khuda badle"

"miTTi men kitne phuul paDe sukhte rahe rangin pattharon se bahalta raha huun main"

"kho ga.i ja ke nazar yuun rukh-e-raushan ke qarib jaise kho jaati hai beva koi dulhan ke qarib"

"kya sitam karte hain miTTi ke khilaune vaale raam ko rakkhe hue baiThe hain ravan ke qarib"

"divar un ke ghar ki miri dhuup le ga.i ye baat bhulne men zamana laga mujhe"