afsurdagi bhi husn hai tabindagi bhi husn — Ijtiba Rizvi

"tajalli be-naqab aur kor ankhen kya qayamat hai ki suraj samne hai aur siyah-bakhti nahin jaati"

"hazar aarzu ho tum yaqin ho tum guman ho tum qafas-nasib ruuh ki umid-e-ashiyan ho tum"

"mire saz-e-nafas ki khamushi par ruuh kahti hai na aa.i mujh ko niind aur so gaya afsana-khvan mera"

"dil ki dhaDkan jo hai madar-e-hayat ik zara tez ho to aafat hai"

"aag paani se bhaap uThti rahi ham samajhte rahe mohabbat hai"

"khirad ko khana-e-dil ka nigah-ban kar diya ham ne ye ghar abad hota is ko viran kar diya ham ne"