khvab hi men nazar aa jaa.e shab-e-hijr kahin — Imam Bakhsh Nasikh

"furqat-e-yar men insan huun main ya ki sahab har baras aa ke rula jaati hai barsat mujhe"

"vo nazar aata hai mujh ko main nazar aata nahin khuub karta huun andhere men nazare raat ko"

"karti hai mujhe qatl mire yaar ki talvar talvar ki talvar hai raftar ki raftar"

"kis ki holi jashn-e-nau-rozi hai aaj surkh mai se saqiya dastar rang"

"aati jaati hai ja-ba-ja badli saqiya jald aa hava badli"

"jis qadar ham se tum hue nazdik us qadar duur kar diya ham ko"