quvvat-e-tamir thi kaisi khas-o-khashak men — Jan Nisar Akhtar

"aur kya is se ziyada koi narmi bartun dil ke zakhmon ko chhua hai tire galon ki tarah"

"aaj to mil ke bhi jaise na mile hon tujh se chaunk uThte the kabhi teri mulaqat se ham"

"ek bhi khvab na ho jin men vo ankhen kya hain ik na ik khvab to ankhon men basao yaaro"

"guzar gaya hai koi lamha-e-sharar ki tarah abhi to main use pahchan bhi na paaya tha"

"tamam umr azabon ka silsila to raha ye kam nahin hamen jiine ka hausla to raha"

"log kahte hain ki tu ab bhi khafa hai mujh se teri ankhon ne to kuchh aur kaha hai mujh se"