ka.aba-o-dair ko apna to yahin se hai salam — Maroof Dehlvi

hava ke ghoDe pe jab vo savar hote hain
to pa ke vaqt main kya kya maze uData huun

— Maroof Dehlvi

teri ankhon ke tasavvur men hai sair-e-kaunain
varna ham log idhar ke idhar ho ke rahte

— Maroof Dehlvi

ghaflat men javani ga.i piiri men hua hosh
kyuun kar na khule aankh sahar hi to hai akhir

— Maroof Dehlvi

main hi nahin huun shefta-e-husn-e-gandumi
aage se hoti aa.i hai aadam ko dekhiye

— Maroof Dehlvi

saqiya mai kahan hai shishe men
raushni aftab ki si hai

— Maroof Dehlvi

dard-e-sar men hai kise sandal lagane ka dimagh
us ka ghisna aur lagana dard-e-sar ye bhi to hai

— Maroof Dehlvi