kuchh chhalakta hai kuchh bikharta hai — Mohammad Aazam

"bahut parhez hai us ko mira bimar ho kar bhi kisi surat mujhe apni dava hone nahin deta"

"hamare munh pe us ne aa.ine se dhuup tak phenki abhi tak ham samajh kar us ko bachcha chhoD dete hain"

"asmanon men uDa karte hain phule phule halke logon ke baDe kaam hava karti hai"

"kam ma.arka-e-zist nahin jang-e-uhad se asbab-e-jahan mal-e-ghanimat ki tarah hai"

"apne jalne ka hamesha se tamasha.i huun aag ye kis ne laga.i mujhe ma.alum nahin"

"ishq men kuudo agar shauq hai marne ka bahut is se gahri koi khaa.i mujhe ma.alum nahin"