un ko aati thi niind aur mujh ko — Muztar Khairabadi

"ai buto ranj ke sathi ho na aram ke tum kaam hi jab nahin aate ho to kis kaam ke tum"

"mohabbat qadr-dan hoti to phir kaahe ka rona tha hamen bhi tum samajhte tum ko jaisa ham samajhte hain"

"dil ko main apne paas kyuun rakkhun tu hi le ja agar ye tera hai"

"meri arman bhari aankh ki tasir hai ye jis ko main pyaar se dekhunga vahi tu hoga"

"tu na aa.ega to ho ja.engi khushiyan sab khaak iid ka chand bhi khali ka mahina hoga"

"sunoge haal jo mera to daad kya doge yahi kahoge ki jhuTa hai tu zamane ka"