ham ko khushiyan bhi udasi ke lifafe men milin — Noman Badr

ghol ke ghol mire sahn men aa baiThte hain
ye parinde mujhe hijrat nahin karne dete

— Noman Badr

main kaaTa ja.unga sab ko 'aziz hote hue
saDak ke biich men aaya hua darakht huun main

— Noman Badr

tumhare saath ik duniya khaDi hai
hamare saath to ham bhi nahin hain

— Noman Badr

hamare baa'd bhi tum qahqahe lagate ho
tumhare baa'd to ham baat bhi nahin karte

— Noman Badr

mujh pe khulta na kabhi lafz-e-mohabbat main ne
maan ko dekha to samajh aa.i mohabbat kya hai

— Noman Badr

main ki mahrum tha avaz ki ra'na.i se
tum jo aa.e ho to ehsas bhi sun sakta huun

— Noman Badr