havas-girafta havao nigahen nichi rakho — Rahi Fidai

bara.e-nam hi sahi ba-ehtiyat kijiye
darun-e-kizb-o-iftira sadaqaten khalat-malat

— Rahi Fidai

kisi ko saaya kisi ko gul-o-samar dega
hara-bhara hai darakht-e-rivaj rahne do

— Rahi Fidai

sabza-zaron ki sharafat se na khelo qat.an
tum hava ho to khalaon se lipaT kar dekho

— Rahi Fidai

sharafaton ke rang men shararten khalat-malat
sar-mazaq ho ga.iin himaqaten khalat-malat

— Rahi Fidai

lazzat ka zahr vaqt-e-sahr chhoD kar koi
shab ke tamam rishte faramosh kar gaya

— Rahi Fidai

har ek shakh thi larzan faza men chikh-o-pukar
hava ke haath men ik ab-dar khanjar tha

— Rahi Fidai