bikharte khvabon se ta.abir ke dhundlakon tak — Rauf Khalish

teri guftar khalish aur qarina mange
bol miThe sahi lahje men zara talkhi hai

— Rauf Khalish

vaise to dekhne men jazib-nazar hain naqshe
kuchh to 'khalish' kami hai unchi 'imaraton men

— Rauf Khalish

jis tanazur men bhi dekho khush-jamalon ko 'khalish'
zaviya bigDa nazar ka saare bigDe zaviye

— Rauf Khalish

zakhmon ko phuul kar de tanha.iyon ko marham
sau qurbaton pe bhari hijrat ka ek mausam

— Rauf Khalish

utro khud apni zaat ki gahra.i men 'khalish'
ubhre jo apne-ap ko paane ki aarzu

— Rauf Khalish

gham ki dhuup utarte hi kyuun pighalne lagti hai
yaad ke gharaunde men mom ki bani khiDki

— Rauf Khalish