teri guftar khalish aur qarina mange — Rauf Khalish

"vaise to dekhne men jazib-nazar hain naqshe kuchh to 'khalish' kami hai unchi 'imaraton men"

"bikharte khvabon se ta.abir ke dhundlakon tak muhajrat ne kachoke bahut laga.e hain"

"jis tanazur men bhi dekho khush-jamalon ko 'khalish' zaviya bigDa nazar ka saare bigDe zaviye"

"zakhmon ko phuul kar de tanha.iyon ko marham sau qurbaton pe bhari hijrat ka ek mausam"

"utro khud apni zaat ki gahra.i men 'khalish' ubhre jo apne-ap ko paane ki aarzu"

"gham ki dhuup utarte hi kyuun pighalne lagti hai yaad ke gharaunde men mom ki bani khiDki"