ai shab-e-furqat na kar mujh par azaab — Rind Lakhnavi

muzhda-bad ai bada-khvaro daur-e-va.iz ho chuka
madrase khode ga.e ta.amir mai-khana hua

— Rind Lakhnavi

bachega na kavish se mizhgan ki dil
ki nashtar bahut aabla ek hai

— Rind Lakhnavi

aa andalib mil ke karen ah-o-zariyan
tu haa.e gul pukar main chilla.un haa.e dil

— Rind Lakhnavi

TuuTe but masjid bani mismar but-khana hua
jab to ik surat bhi thi ab saaf virana hua

— Rind Lakhnavi

chandni raton men chillata phira
chand si jis ne vo surat dekh li

— Rind Lakhnavi

udaas dekh ke mujh ko chaman dikhata hai
ka.i baras men hua hai mizaj-dan sayyad

— Rind Lakhnavi