aag bhi barsi darakhton par vahin — Saleem Shahzad

vahm o khirad ke maare hain shayad sab log
dekh raha huun shishe ke ghar charon or

— Saleem Shahzad

hava ki zad men patte ki tarah tha
vo ik zakhmi parinde ki tarah tha

— Saleem Shahzad

zard patte men koi nuqta-e-sabz
apne hone ka pata kaafi hai

— Saleem Shahzad

baton men hai us ki zahr thoDa
thoDa sa maza sharab jaisa

— Saleem Shahzad

an-kahi kah an-suni baten suna
rah gaya jo kuchh bhi socha soch le

— Saleem Shahzad

use pata hai ki rukti nahin hai chhanv kabhi
to phir vo abr ko kyuun sa.eban samajhta hai

— Saleem Shahzad