sunne vaale ro diye sun kar mariz-e-gham ka haal — Saqib Lakhnavi

muTThiyon men khaak le kar dost aa.e vaqt-e-dafn
zindagi bhar ki mohabbat ka sila dene lage

— Saqib Lakhnavi

jis shakhs ke jiite ji puchha na gaya 'saqib'
us shakhs ke marne par uTThe hain qalam kitne

— Saqib Lakhnavi

zamana baDe shauq se sun raha tha
hamin so ga.e dastan kahte kahte

— Saqib Lakhnavi

aadhi se ziyada shab-e-gham kaaT chuka huun
ab bhi agar aa jaao to ye raat baDi hai

— Saqib Lakhnavi

mushkil-e-ishq men lazim hai tahammul 'saqib'
baat bigDi hui banti nahin ghabrane se

— Saqib Lakhnavi

baghban ne aag di jab ashiyane ko mire
jin pe takiya tha vahi patte hava dene lage

— Saqib Lakhnavi