lahad men kyuun na ja.un munh chhupa.e — Shad Azimabadi

"nazar ki barchhiyan jo sah sake siina usi ka hai hamara aap ka jiina nahin jiina usi ka hai"

"parvanon ka to hashr jo hona tha ho chuka guzri hai raat sham.a pe kya dekhte chalen"

"ek sitam aur laakh ada.en uf ri javani haa.e zamane tirchhi nigahen tang qaba.en uf ri javani haa.e zamane"

"talab karen bhi to kya shai talab karen ai 'shad' hamen to aap nahin apna mudda.a ma.alum"

"ye bazm-e-mai hai yaan kotah-dasti men hai mahrumi jo baDh kar khud uTha le haath men miina usi ka hai"

"main 'shad' tanha ik taraf duniya ki duniya ik taraf saara samundar ik taraf aansu ka qatra ik taraf"