yahan yaar aur bardar koi nahin kisi ka — Taban Abdul Hai

"dekh qasid ko mire yaar ne puchha 'taban' kya mire hijr men jiita hai vo ghamnak hanuz"

"khvan-e-falak pe ne.amat-e-alvan hai kahan khali hain mahr-o-mah ki dono rikabiyan"

"vo to sunta nahin kisi ki baat us se main haal kya kahun 'taban'"

"main to talib dil se hunga diin ka daulat-e-duniya mujhe matlub nahin"

"ye jo hain ahl-e-riya aaj faqiron ke biich kal ginenge humaqa un hi ko piron ke biich"

"mujhe aata hai rona aisi tanha.i pe ai 'taban' na yaar apna na dil apna na tan apna na jaan apna"