kitni ghaTa.en aa.iin baras kar guzar ga.iin — Wasif Dehlvi

bujhte hue charagh farozan karenge ham
tum aaoge to jashn-e-charaghan karenge ham

— Wasif Dehlvi

didar se pahle hi kya haal hua dil ka
kya hoga jo ulTenge vo rukh se naqab akhir

— Wasif Dehlvi

daman ke daagh ashk-e-nadamat ne dho diye
lekin ye dil ka daagh miTaya na ja saka

— Wasif Dehlvi

aaj rukhsat ho gaya duniya se ik bimar-e-gham
dard aisa dil men uTTha jaan le kar hi gaya

— Wasif Dehlvi

khuda ke samne jo sar yaqin ke saath jhuk jaa.e
kisi taqat ke aage phir kabhi vo kham nahin hota

— Wasif Dehlvi

vafur-e-be-khudi men rakh diya sar un ke qadmon par
vo kahte hi rahe 'vasif' ye mahfil hai ye mahfil hai

— Wasif Dehlvi