dil men ik dard uTha ankhon men aansu bhar aa.e — Wazir Ali Saba Lakhnavi

"na paDha yaar ne ahval-e-shikasta mera khat ke purze kiye bazu-e-kabutar toDa"

"ai saba qil.a-e-hasti se jo dam ghabraya baDh ke do-char qadam maut ka aaga bandha"

"aap hi apne zara jaur-o-sitam ko dekhen ham agar arz karenge to shikayat hogi"

"baaqi rahe na farq zamin asman men apna qadam uTha len agar darmiyan se ham"

"baat bhi aap ke aage na zaban se nikli lijiye aa.e the ham soch ke kya kya dil men"

"ma.adum hue jaate hain ham fikr ke maare mazmun kamar-e-yar ka paida nahin hota"