Shayari Of Jaun Eliya

"kyā kaheñ tum se būd-o-bāsh apnī kaam hī kyā vahī talāsh apnī koī dam aisī zindagī bhī kareñ apnā siina ho aur ḳharāsh apnī apne hī tesha-e-nadāmat se zaat hai ab to paash paash apnī hai laboñ par nafas-zanī kī dukāñ yāva-goī hai bas ma.āsh apnī terī sūrat pe huuñ nisār pa ab aur sūrat koī tarāsh apnī jism o jaañ ko to bech hī Daalā ab mujhe bechnī hai laash apnī"

"ajab hālat hamārī ho ga.ī hai ye duniyā ab tumhārī ho ga.ī hai suḳhan merā udāsī hai sar-e-shām jo ḳhāmoshī pe taarī ho ga.ī hai bahut hī ḳhush hai dil apne kiye par zamāne-bhar meñ ḳhvārī ho ga.ī hai vo nāzuk-lab hai ab jaane hī vaalā mirī āvāz bhārī ho ga.ī hai dil ab duniyā pe la.anat kar ki is kī bahut ḳhidmat-guzārī ho ga.ī hai yaqīñ ma.azūr hai ab aur gumāñ bhī baḌī be-roz-gārī ho ga.ī hai vo ik bād-e-shumālī-rañg jo thī shamīm us kī savārī ho ga.ī hai mire paas aa ke ḳhanjar bhoñk de tū bahut neza-guzārī ho ga.ī hai"

"hamāre zaḳhm-e-tamannā purāne ho ga.e haiñ ki us galī meñ ga.e ab zamāne ho ga.e haiñ tum apne chāhne vāloñ kī baat mat suniyo tumhāre chāhne vaale divāne ho ga.e haiñ vo zulf dhuup meñ furqat kī aa.ī hai jab yaad to bādal aa.e haiñ aur shāmiyāne ho ga.e haiñ jo apne taur se ham ne kabhī guzāre the vo sub.h o shaam to jaise fasāne ho ga.e haiñ ajab mahak thī mire gul tire shabistāñ kī so bulbuloñ ke vahāñ āshiyāne ho ga.e haiñ hamāre baa'd jo aa.eñ unheñ mubārak ho jahāñ the kunj vahāñ kār-ḳhāne ho ga.e haiñ"

"vo ḳhayāl-e-muhāl kis kā thā aa.ina be-misāl kis kā thā safarī apne aap se thā maiñ hijr kis kā visāl kis kā thā maiñ to ḳhud meñ kahīñ na thā maujūd mere lab par savāl kis kā thā thī mirī zaat ik ḳhayāl-āshob jaane maiñ ham-ḳhayāl kis kā thā jab ki maiñ har-nafas thā be-ahvāl vo jo thā merā haal kis kā thā dopahar bād-e-tund kūcha-e-yār vo ġhubār-e-malāl kis kā thā"

"bajā irshād farmāyā gayā hai ki mujh ko yaad farmāyā gayā hai ināyat kī haiñ nā-mumkin umīdeñ karam ījād farmāyā gayā hai haiñ ab ham aur zad hai hādsoñ kī hameñ āzād farmāyā gayā hai zarā us kī pur-ahvālī to dekheñ jise barbād farmāyā gayā hai nasīm-e-sabzgī the ham so ham ko ġhubār-uftād farmāyā gayā hai mubārak fāl-e-nek ai ḳhusrav-e-shahr mujhe farhād farmāyā gayā hai sanad baḳhshī hai ishq-e-be-ġharaz kī bahut hī shaad farmāyā gayā hai salīqe ko lab-e-fariyād tere adā kī daad farmāyā gayā hai kahāñ ham aur kahāñ husn-e-sar-e-bām hameñ buniyād farmāyā gayā hai"

"ek gumāñ kā haal hai aur faqat gumāñ meñ hai kis ne azāb-e-jāñ sahā kaun azāb-e-jāñ meñ hai lamha-ba-lamha dam-ba-dam ān-ba-ān ram-ba-ram maiñ bhī guzishtagāñ meñ huuñ tū bhī guzishtagāñ meñ hai ādam-o-zāt-o-kibriyā karb meñ haiñ judā judā kyā kahūñ un kā mājrā jo bhī hai imtihāñ meñ hai shāḳh se uḌ gayā parind hai dil-e-shām-e-dard-mand sahn meñ hai malāl sā huzn sā āsmāñ meñ hai ḳhud meñ bhī be-amāñ huuñ maiñ tujh meñ bhī be-amāñ huuñ maiñ kaun sahegā us kā ġham vo jo mirī amaañ meñ hai kaisā hisāb kyā hisāb hālat-e-hāl hai azaab zaḳhm nafas nafas meñ hai zahr zamāñ zamāñ meñ hai us kā firāq bhī ziyāñ us kā visāl bhī ziyāñ ek ajiib kashmakash halqa-e-be-dilāñ meñ hai būd-o-nabūd kā hisāb maiñ nahīñ jāntā magar saare vajūd kī nahīñ mere adam kī haañ meñ hai"

"dil se hai bahut gurez-pā tū tū kaun hai aur hai bhī kyā tū kyuuñ mujh meñ gañvā rahā hai ḳhud ko mujh aise yahāñ hazār-hā tū hai terī judā.ī aur maiñ huuñ milte hī kahīñ bichhaḌ gayā tū pūchhe jo tujhe koī zarā bhī jab maiñ na rahūñ to dekhnā tū ik saañs hī bas liyā hai maiñ ne tū saañs na thā so kyā huā tū hai kaun jo terā dhyān rakhe bāhar mire bas kahīñ na jā to"

"kaisā dil aur is ke kyā ġham jī yūñhī bāteñ banāte haiñ ham jī kyā bhalā āstīn aur dāman kab se palkeñ bhī ab nahīñ nam jī us se ab koī baat kyā karnā ḳhud se bhī baat kiije kam-kam jī dil jo dil kyā thā ek mahfil thā ab hai darham jī aur barham jī baat be-taur ho ga.ī shāyad zaḳhm bhī ab nahīñ hai marham jī haar duniyā se maan le shāyad dil hamāre meñ ab nahīñ dam jī hai ye hasrat ke zab.h ho jā.ūñ hai shikan us shikam ki zālim jī kaise āḳhir na rang kheleñ ham dil lahū ho rahā hai jānam jī hai ḳharāba husainiya apnā roz majlis hai aur mātam jī vaqt dam bhar kā khel hai is meñ besh-az-besh hai kam-az-kam jī hai azal se abad talak kā hisāb aur bas ek pal hai paiham jī be-shikan ho ga.ī haiñ vo zulfeñ us galī meñ nahīñ rahe ḳham jī dasht-e-dil kā ġhazāl hī na rahā ab bhalā kis se kījiye ram jī"

"dil gumāñ thā gumāniyāñ the ham haañ miyāñ dāstāniyāñ the ham ham sune aur sunā.e jaate the raat bhar kī kahāniyāñ the ham jaane ham kis kī buud kā the subūt jaane kis kī nishāniyāñ the ham chhoḌte kyuuñ na ham zamīñ apnī āḳhirash āsmāniyāñ the ham zarra bhar bhī na thī numūd apnī aur phir bhī jahāniyāñ the ham ham na the ek aan ke bhī magar jāvedāñ jāvidāniyāñ the ham roz ik ran thā tīr-o-tarkash bin the kamīñ aur kamāniyāñ the ham arġhavānī thā vo piyāla-e-nāf ham jo the urġhavāniyañ the ham nār-e-pistān thī vo qattāla aur havas-darmiyāniyāñ the ham nā-gahāñ thī ik aan aan ki thī ham jo the nāgahāniyāñ the ham"

"guzarāñ haiñ guzarte rahte haiñ ham miyāñ jaan marte rahte haiñ haa.e jānāñ vo nāf-pyāla tirā dil meñ bas ghūñT utarte rahte haiñ dil kā jalsa bikhar gayā to kyā saare jalse bikharte rahte haiñ ya.anī kyā kuchh bhulā diyā ham ne ab to ham ḳhud se Darte rahte haiñ ham se kyā kyā ḳhudā mukartā hai ham ḳhudā se mukarte rahte haiñ hai ajab us kā hāl-e-hijr ki ham gaahe gaahe sañvarte rahte haiñ dil ke sab zaḳhm pesha-var haiñ miyāñ aan hā aan bharte rahte haiñ"

"maiñ na Thahrūñ na jaan tū Thahre kaun lamhoñ ke rū-ba-rū Thahre na guzarne pe zindagī guzrī na Thaharne pe chār-sū Thahre hai mirī bazm-e-be-dilī bhī ajiib dil pe rakkhūñ jahāñ subū Thahre maiñ yahāñ muddatoñ meñ aayā huuñ ek hañgāma kū-ba-kū Thahre mahfil-e-ruḳhsat-e-hamesha hai aao ik hashr-e-hā-o-hū Thahre ik tavajjoh ajab hai samtoñ meñ ki na bolūñ to guftugū Thahre kaj-adā thī bahut umiid magar ham bhī 'jaun' ek hīla-jū Thahre ek chāk-e-barhñgī hai vajūd pairahan ho to be-rafū Thahre maiñ jo huuñ kyā nahīñ huuñ maiñ ḳhud bhī ḳhud se baat aaj dū-badū Thahre bāġh-e-jāñ se milā na koī samar 'jaun' ham to numū numū Thahre"

"maskan-e-māh-o-sāl chhoḌ gayā dil ko us kā ḳhayāl chhoḌ gayā tāza-dam jism-o-jāñ the furqat meñ vasl us kā niDhāl chhoḌ gayā ahd-e-māzī jo thā ajab pur-hāl ek vīrān haal chhoḌ gayā jhālā-bārī ke marhaloñ kā safar qāfile pā.emāl chhoḌ gayā dil ko ab ye bhī yaad ho ki na ho kaun thā kyā malāl chhoḌ gayā maiñ bhī ab ḳhud se huuñ javāb-talab vo mujhe be-savāl chhoḌ gayā"