hijr de ke bhi be-qaraari hai — Ahmad Waqas Mahrwi

qismat kaa miri haal bataaoge mujhe kyaa
mazdur ke haathon pe lakirein nahin hotin

— Ahmad Waqas Mahrwi

vo jo anaa ki qaid mein ab tak hai mutmain
ab us ke lauTne kaa gumaan kis liye karein

— Ahmad Waqas Mahrwi

mujhe paarsaai kaa daavaa nahin hai
farishta nahin main niraa aadmi huun

— Ahmad Waqas Mahrwi

vaqt ke daaere mein rahte hue
thak chukaa huun hayaat sahte hue

— Ahmad Waqas Mahrwi

mustaqbil ke khauf se sahmaa rahtaa huun
main ne buDhe peD ki aankhein dekhi hain

— Ahmad Waqas Mahrwi

bun rahi hain jaal phir se makDiyaan
ek aavaara si makkhi ke liye

— Ahmad Waqas Mahrwi

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

kahaan ke ishq-o-mohabbat kidhar ke hijr o visaal
abhi to log taraste hain zindagi ke liye

— Zehra Nigaah

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe

— Euphonic Amit

miri zindagi to guzri tire hijr ke sahaare
miri maut ko bhi pyaare koi chaahiye bahaana

— Jigar Moradabadi