tujh se jab guftugu nahin hoti — Amit Goswami

mujhe na Dar hai qayaamat kaa ab na khauf-e-ajal
main dard-e-tark-e-mulaaqaat sah ke aaya huun

ho duur pa yuun mujh mein samaai ho ki jaise
ashk aankhon se niklein bhi to nam rahti hain aankhein

main ne chaahaa hai jise yuun to mukammal hai magar
ik kami hai ki use urdu nahin aati hai

subh ki chaae se phir aaiin yaad
tere pahlu mein chaae ki shaamein

chaar-su phailaa hai ab to ek bas furqat kaa rang
ab talak yak-rang tasvir-e-jahaan aisi na thi

hai tirgi se jang muqaabil aur apne saath
jugnu ki saf hai jashn-e-charaaghaan nahin to kyaa