un ke haathon se milaa thaa pi liyaa — Asghar Velori

tire mahal mein hazaaron charaagh jalte hain
ye meraa ghar hai yahaan dil ke daagh jalte hain

shikaar apni anaa kaa hai aaj kaa insaan
jise bhi dekhiye tanhaa dikhaai detaa hai

log achchhon ko bhi kis dil se buraa kahte hain
ham ko kahne mein buron ko bhi buraa lagtaa hai

duniyaa se khatm ho gayaa insaan kaa vajud
rahnaa paDaa hai ham ko darindon ke darmiyaan

raushni jab se mujhe chhoD gai
shama roti hai sirhaane mere

mujh ko gham kaa na kabhi dard kaa ehsaas rahaa
har khushi paas thi jab tak tu mire paas rahaa