siyah zulf-e-pareshaan ke evaz shaane pe choTi thi — Bedil Jaunpuri

baDe armaan se niklaa thaa shopping ke liye ghar se
closing pe har ik baazaar thaa kal shab jahaan main thaa

— Bedil Jaunpuri

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

ji DhunDtaa hai phir vahi fursat ki raat din
baiThe rahein tasavvur-e-jaanaan kiye hue

— Mirza Ghalib

baat vo aadhi raat ki raat vo puure chaand ki
chaand bhi ain chait kaa us pe tiraa jamaal bhi

— Parveen Shakir

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal