raushni ho rahi hai kuchh mahsus — Aslam Farrukhi

saare dil ek se nahin hote
farq hai kankar aur nagine mein

na dekh mujh ko mohabbat ki aankh se ai dost
miraa vajud miraa muddaaa na ho jaae

koi manzil nahin baaqi hai musaafir ke liye
ab kahin aur nahin jaaegaa ghar jaaegaa

hangaama-e-hasti se guzar kyuun nahin jaate
raste mein khaDe ho gae ghar kyuun nahin jaate

aag si lag rahi hai siine mein
ab mazaa kuchh nahin hai jiine mein

jhaankte raat ke garebaan se
ham ne sau aaftaab dekhe hain

shor din ko nahin sone detaa
shab ko sannaaTaa jagaa detaa hai

naqd-e-dil-e-khaalis kuun miri qalb tuun mat jaan
hai tujh kuun agar shubh to kas dekh tapaa dekh

raat yuun dil mein tiri khoi hui yaad aai
jaise viraane mein chupke se bahaar aa jaae

divaangi meri ke tahayyur mein shab-o-roz
hai halqa-e-zanjir se zindaan hama-tan-chashm

itni siyaah-raat mein itni si raushni
ye chaand vo nahin miraa mahtaab aur hai