ji DhunDtaa hai phir vahi fursat ki raat din — Mirza Ghalib

phir usi bevafaa pe marte hain
phir vahi zindagi hamaari hai

umr bhar dekhaa kiye marne ki raah
mar gae par dekhiye dikhlaaein kyaa

saadgi o purkaari be-khudi o hushyaari
husn ko taghaaful mein jurat-aazmaa paayaa

girni thi ham pe barq-e-tajalli na tuur par
dete hain baada zarf-e-qadah-khvaar dekh kar

naakaami-e-nigaah hai barq-e-nazaaraa-soz
tu vo nahin ki tujh ko tamaashaa kare koi

marte hain aarzu mein marne ki
maut aati hai par nahin aati

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

aakhir ik roz to paivand-e-zamin honaa hai
jaama-e-zist nayaa aur puraanaa kaisaa

sajde kartaa jaa rahaa huun ku-e-jaanaan ki taraf
raasta batlaa rahi hai meri peshaani mujhe

duniyaa hai sambhal ke dil lagaanaa
yaan log ajab ajab mileinge