nazar aati hai saari kaaenaat-e-mai-kada raushan — Ehsan Darbhangavi

tum is taraf se guzar chuki ho magar gali gungunaa rahi hai
tumhaari paazeb kaa vo naghma fazaa mein ab tak khanak rahaa hai

— Ehsan Darbhangavi

baDi mushkilon se kaaTaa baDe karb se guzaaraa
tire baa'd koi lamha jo milaa kabhi khushi kaa

— Ehsan Darbhangavi

shaayad abhi baaqi hai kuchh aag mohabbat ki
maazi ki chitaaon se uThtaa hai dhuaan 'ehsaan'

— Ehsan Darbhangavi

shauq ke mumkinaat ko donon hi aazmaa chuke
tum bhi fareb khaa chuke ham bhi fareb khaa chuke

— Ehsan Darbhangavi

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

— Nazeer Akbar Abadi

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

— Farhat Ehsas

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi

dil ki lahron kaa tul-o-arz na puchh
kabhu dariyaa kabhu safinaa hai

— Shaikh Zahuruddin Hatim

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

— Kausar Mazhari

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

— Agha Hajju Sharaf